तेलंगणा निर्मित महामानव डॉक्टर बाबासाहेब आंबेडकर यांच्या जीवन चरित्रावर व कार्यावर आधारित डॉ. बाबासाहेब आंबेडकर बुद्धम् शरणम् गच्छामी या महानाट्याचा प्रयोग चंद्रपुरात.
महामानव डॉक्टर बाबासाहेब आंबेडकर यांच्या जीवन चरित्रावर आधारित"डॉ. बाबासाहेब आंबेडकर बुद्धम् शरणम् गच्छामी" हे महानाट्य चंद्रपूर मध्ये होणार आहे. अभ्युदय आर्ट अकॅडमी नलगोंडा तेलंगणा द्वारा प्रस्तुत या महानाट्याचा १०१ वा प्रयोग ब्लॅकगोल्ड सिटी चंद्रपूर मध्ये साकारणार आहेत. संविधानाच्या ७५ व्या अमृत महोत्सवनिमित्त संविधान निर्मितीची त्याग व संघर्षाची गाथा या महानाट्यातून आपणास पहावयास मिळेल. महामानव डॉक्टर बाबासाहेब आंबेडकर यांच्या जन्मापासून तर महापरिनिर्वानापर्यंत बुद्ध धम्माची दीक्षा व अनेक जीवनातील संघर्षमय गाथा या महानाट्यातून उद्रुक झालेले आहेत. चंद्रपूर मध्ये होत असलेल्या या महानाट्याला राष्ट्रीय आंतरराष्ट्रीय किर्तीचे ख्यातनाम बुद्धिस्ट,गोल्डमॅन डॉ. रोहित पिसाळ यांची विशेष उपस्थिती राहणार आहे.
चंद्रपूर येथील ख्यातनाम प्रियदर्शनी इंदिरा गांधी सभागृहात ३ मार्च रोजी हे महानाट्य होणार आहे. असे मयूर साखरे,प्रीतम शेंडे, रुपाली वानखेडे, राज कांबळे,प्रणित तोडे, मृणालिनी नगराळे, दीक्षा थूल ,साव मोटघरे, पराग कांबळे इत्यादींनी सुचविले.या महानाट्याचे आयोजन प्राध्यापक सुशांत नगराळे ,अमित वाघमारे विनोद देशपांडे ,विनयबोधी डोंगरे, पराग कांबळे, पियुष गेडाम, प्रणय गेडाम ,धीरज शेंडे, हंसू अलोने ,मयूर साखरे ,प्रीतम शेंडे व राज कांबळे यांनी केले आहे,सोमवार ला (३ मार्च) सायंकाळी सहा वाजता प्रियदर्शनी इंदिरा गांधी सभागृह येथे सदर महानाट्य होणार आहे. तरी या महानाट्याला समाजातील व आंबेडकरी प्रेमी चाहते संविधान प्रेमी लोकांनी आवर्जून पहावे.असे आयोजकांनी आवाहन केले आहे.
Tags
Chandrapur